王嘉慧用雲石枱加喼做運動 被網民鬧爆無安全意識隔幾日刪除影片 | am730

「東張」女神王嘉慧日前在社交平台分享於家中做運動的影片，當日她雙腳離地，僅以食飯枱及行李喼作支撐，並做出多個高難度的動作。由於王嘉慧的動作稍有不慎，便會整個人失衝跌親或撞到腰，不少網民怒轟她作為一個公眾人物為搏流量，無視安全意識，甚至擔心有人模仿她的動作，甚至有網民指王嘉慧的食飯枱也有不少隱藏問題，有網民更借以前細個爆雲石枱一事留言，亦有網民說：「張枱唔好講唔會爆，岩板/雲石暗藏好多肉眼睇唔到嘅天然裂紋，你lon住對手食飯可能無事，成個人平板咁撐住就真係睇你運數。」、「張枱承受唔到爆左佢就知死。」、「係應該直接會死，踎爆咗個坐廁冇咩分別，不過係頭同頸落張枱度」王嘉慧事後隱藏影片，但仍可以在Reels的頁面見到影片。

原文鏈接: https://www.am730.com.hk/article/1023378