施明病逝｜與鄧梓峰黃霑屬親戚 身手太好曾為史泰龍任女保鑣 | am730

施明入行時已經識得馬術、空手道和柔道，由於她身手了得，當年更當史泰龍保鑣。她曾在電台說：「當年佢嚟香港宣傳《第一滴血》唔知第二定第三輯，我唔知點解要搵女保鑣，當年沙龍電影工作人員話叫我做接機，我話：『好呀好呀！』然後佢話做埋保鑣，我仲以為講笑，點知去到現場，我仲著住迷你裙，點知原來勁認真，突然派我上第一前線，我仲開門畀佢，一開門後面嘅人影相就撞埋嚟，我雖然唔係好大隻，都頂住啦要。」她表示最終當上一日保鑣，感覺非常圓滿，施明更透露送史泰龍上房後獲對方邀飲酒。她說：「送佢上房，我哋成班保鑣企門口，佢有請我入去飲酒，我話唔好，不過佢真係好親切，第日仲同我兩個仔影合照添！」

原文鏈接: https://www.am730.com.hk/article/1022492